ജിൻജർ ചിക്കൻ ഗ്രേവി (Ginger Chicken Gravy)

By : മലയാള പാചകം | 11 Comments | On : November 19, 2016 | Category : ഫേസ്ബുക്ക് പോസ്റ്റുകള്‍

ജിൻജർ ചിക്കന്‍ ( ഗ്രേവി )

തയ്യാറാക്കിയത്:- സോണിയ അലി

ജിന്‍ജര്‍ ചിക്കന്‍
ചിക്കന്‍ -1/2 കിലോഗ്രാം
കോണ്‍ഫ്ലൗര്‍ – 1 1/2 ടേബിള്‍ സ്പൂണ്‍
ഉപ്പ്‌ -ആവശ്യത്തിന്
ഇഞ്ചി പേസ്റ്റ് -1 ടീസ്പൂണ്‍
വെളുത്തുള്ളി പേസ്റ്റ് -1 ടീസ്പൂണ്‍
ചെറുനാരങ്ങ നീര് -1 ടേബിള്‍ സ്പൂണ്‍
മുളകുപ്പൊടി -1 ടീസ്പൂണ്‍

ഗ്രേയ്‌വി ഉണ്ടാക്കുന്ന വിധം
********************************
ചിക്കന്‍ സ്റ്റോക്ക്‌ – 1 കപ്പ്‌
സവാള ചെറുതായി ക്യൂബായി അരിഞ്ഞത് -1 വലുത്
തക്കാളി സോസ് – 2 ടീസ്പൂണ്‍
സോയ സോസ് -1 1/2 ടീസ്പൂണ്‍
സ്പ്രിംഗ് ഒനിയന്‍ – 2 ടീസ്പൂണ്‍
പച്ചമുളക് -2
ഇഞ്ചി നീളത്തില്‍ അരിഞ്ഞത് -1 ടീസ്പൂണ്‍
കുരുമുളക് പൊടി – 1/2 ടീസ്പൂണ്‍

ഉണ്ടാക്കുന്ന വിധം
********************

കഷ്ണങ്ങളാക്കി കഴുകി വൃത്തിയാ ക്കിയ ചിക്കന്‍ മുകളില്‍ പറഞ്ഞ ചേരുവകള്‍ ചേര്‍ത്ത് നല്ലപോലെ പുരട്ടി 20 മിന്‍ട്ട് മാറ്റിവെക്കുക.

ശേഷം ചുവടുക്കട്ടിയുള്ള പാത്രത്തില്‍
ഓയില്‍ ഒഴിച്ച് വറുത്തെടുക്കുക. ( ഷാലോ ഫ്രൈ )

ശേഷം അതേ പാത്രത്തില്‍ തന്നെ ഇഞ്ചി നീളത്തില്‍ അരിഞ്ഞത് ചേര്‍ത്ത് വഴറ്റുക. സവാള ,പച്ചമുളക് എന്നിവയും ചേര്‍ത്ത് നല്ലപോലെ വഴറ്റുക.

ഇതിലേക്ക് ചിക്കന്‍ വറുത്തതു ചേര്‍ക്കാം . സോയ സോസ് ,തക്കാളി സോസ് , എന്നിവ ചേര്‍ത്ത് മിക്സ്‌ ചെയ്യുക. ആവശ്യത്തിനുള്ള ഉപ്പു ചേര്‍ക്കാം .

ഇതിലേക്ക് ചിക്കന്‍ സ്റ്റോക്ക് ആവശ്യത്തിനു ഒഴിക്കാം .ചൂടായാല്‍ ഇതിലേക്ക് കോണ്‍ഫ്ലൗര്‍ 1 ടീസ്പൂണ്‍ 1/4 കപ്പ്‌ വെള്ളത്തില്‍ കലക്കിയത് ഒഴിച്ച് (തീ കുറച്ചു വെച്ചിട്ട് ) ചൂടാക്കുക.

ഗ്രെയ്‌വി പാകത്തിന് കട്ടിയായാല്‍ കുരുമുളക് പൊടി ചേര്ക്കാം ,സ്പ്രിംഗ് ഒനിയന്‍ അരിഞ്ഞത് ചേര്‍ക്കാം.

ഇഞ്ചി നീളത്തില്‍ അരിഞ്ഞത് അല്പം വിതറി അലങ്കരിക്കാം .ചൂടോടെ സെര്‍വ് ചെയ്യണം .

(ചിക്കന്‍ സ്റ്റോക്ക്‌ ,കൊണ്ഫ്ലൌര്‍ എന്നിവ ചേര്‍ത്തില്ലെങ്കില്‍ സ്റ്റാര്‍ടെര്‍ ആയി ഉപയോഗിക്കാം .)

ഫേസ്ബുക്ക് പേജ് പോസ്റ്റ്‌ വായിക്കുക